2020春季時裝周最後一站巴黎，首日重點大騷之一有Dior，吸引不少明星名人捧場，包括荷李活女星Julianne Moore、Jennifer Lawrence，亞洲代表有高橋Lala、韓國女星秀智、台灣女星賈靜雯。

香港代表則有女星陳漢娜（Hanna），並率先穿上Cruise 2020系列，以一身搶眼印花造型，搭配瀏海髮型到場，「今日套衫係Cruise 系列，呢個印花其實好難印，要一層一層咁處理，Dior一直都有好多民族印花，係品牌經常出現嘅特色。」，Hanna又分享了騷後感，「今年主題好似gardening，其實Christian Dior嘅姊妹係園丁，所以用咗呢個主題嚟融合fashion show ，我最鍾意開頭，好多設計都好似園丁制服，戴住圍裙，用咗藍色配襯駝色，有啲boyish ，但有啲裙款又好girlish ，Dior講述女性主義嘅feminine感覺之餘，但又表現到女性強悍。」Hanna又透露之後會參觀Dior展覽，並逗留巴黎遊玩幾天。

至於台灣女星賈靜雯，就以白色通花連身裙造型睇騷，若隱若現非常性感，「沒有太仔細看，不會有所太大感覺，其實背面有一點鏤空，有一點少少性感但不失優雅，所以我很喜歡」。她又分享騷前心情非常期待，「大家今天看完都會非常驚艷和感動，沒有令大家失望，所有工藝都很精緻很棒，所以我很開心。」

採訪：陳蔚渝
攝影：周樂恒

Produce by: Fruity Nutty Studio

-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港