無綫小生陳智燊喺舊年同宋熙年求婚，本來佢哋話今年年底先喺香港擺酒，出年先返英國同澳洲再招呼親友，不過今日有傳呢對新人已經飛咗去英國，喺當地時間9月19日秘密行咗禮咯，宋熙年噚日喺ig貼咗背脊貼左「BRIDE」新娘嘅印水紙，時間咁啱就係喺當地時間下午3點幾po嘅，即係行禮前夕！

聽講今次佢哋班兄弟姊妹團分別有祖藍夫婦、高海寧、王浩信、楊明、龔嘉欣等等，嘉欣仲要反串做兄弟，咁橋呢班人去咗英國做宣傳，似乎可能性都好高！日前楊明同龔嘉欣被影到喺機場現身，龔嘉欣當時話去大馬，原來龔嘉欣係靜靜雞去英國出席陳智燊同宋熙年婚禮。

據知陳智燊喺英國Buxted Park Hotel舉行婚禮，同歌手李蕙敏喺同一個地方都揀呢個地方。

陳智燊同華姐出身嘅宋熙年早前已入紙排期結婚，預計12月將分別喺英國、澳洲及香港三地舉行婚宴。