當年今日

八方人物:愛國狂人義賣古董賑災

蘋果日報 2008/06/08 00:00


賣80年代勞力士手錶、賣古董相機鏡頭、賣1951年開篷古董車,郭兆明想辦個私人拍賣會,把私人珍藏賣賣賣,賣得的錢,打算全數賬災。他關注四川災民,但對當權者,態度「好激」,「政府唔使教人愛國,愛國唔係用把口講,人性本來就識愛國,唔係共產黨先識,反對你唔代表唔愛國,只係唔支持你個黨啫!」
當過拳手、做過汽車維修,郭兆明70年代賣日本二手機械,之後轉營房地產,發迹過程他不願多說,認為只是好運氣,「我中過三次3T,買50蚊都中到幾百萬,炒股票,亂咁炒都中。」信不信由你。
登報賣出開篷咪拿
今年64歲的郭兆明自言有多個旺區地舖及豪宅揸手,有多少身家?他說只算「小康之家」,「喺國際標準嚟講,有一億美金只係小康之家。有幾千萬就話自己係富豪,真係笑大人個口,都唔夠買隻遊艇,又冇馬場、又冇飛機場,邊係富豪?根本連『富』字都講唔上。」
看到四川災情,愛車的他,登報賣出其中一架古董車──1951年英國摩利士廠製造的開篷咪拿(MorrisMinor),底價18萬。他還想出售其他珍藏,「我雖然有個仔,但唔打算留啲乜嘢畀佢,呢啲嘢都帶唔走,留啲錢畀佢,盞消磨佢志氣。」
郭兆明自言年輕時愛玩車、改車,經常在龍翔道賽車,現在卻盡量少開車,寧願坐港鐵、的士,「𠵱家玩車,玩慢唔玩快,架車維修都係成本嚟,揩親架車都肉痛㗎嘛。」
面對災難培養愛心
郭兆明聲稱曾到斯里蘭卡讀佛學,是首個俗家人取得當地佛學學位,學的是巴利語系正統佛學,「釋迦牟尼都係講巴利語」。他又說看佛經、哲學書過目不忘,可能慧根獨到,他視死如生,豁達得令人難以接受,「宇宙係個舞台,每個人都有角色,佢哋(地震死難者)嘅死,培養出其他人嘅愛心,呢個就係佢哋嘅角色。佢哋受極權統治,快啲輪迴,可能仲好世界。」
記者 張嘉雯