樂隊ToNick月前推出歌曲《衰喺個掣度》，內容極盡諷刺時弊，「衰喺個掣度 迫死班細路」、「死慳死捱 買口罩身家用哂 心都酸埋 係邊一個掣令世界停擺」、「衰喺個掣度 冤屈無路訴」等，唱出香港人過去一年來的心聲，難怪歌曲推出後獲樂迷們激烈讚賞。

事隔兩個月，ToNick又有新作推出，今次歌曲《鬼滅之日》就透過大家耳熟能詳的動漫角色為題，包括《海賊王》、《銀魂》、《鬼滅之刃》和《浪客劍心》等角色唱出，「縱氣力枉費 唯獨你前來 就殺出重圍 各去守 時代的崗位 立明日信誓」、「暗系或是變化系 土遁或冰火魔法 航道上都懇請任意發揮」，望帶出即使前路充滿難關，希望大家咬緊牙關，像動漫角色般互相扶持、齊上齊落的心態下必定能見到光明。

新歌的宣傳照中見到，四位成員恆仔、晨曦、小龜和Ryan被水「兜頭淋」，主音恆仔接受訪問時解釋這構思︰「其實都係配合返主題想講衝破難關，所以就諗到用水嚟做障礙。」就如大家經常說「Be Water」，水是飄忽無定不能捉摸，所以拍攝時很有難度，恆仔笑說︰「拍頭幾個Shot我哋已經濕到落底褲，最後攝影師先搵到方法成功拍到。」

除新歌外，恆仔亦透露樂隊有不少工作大計，包括稍後跟其他歌手單位合作和開演唱會，他說︰「開騷我哋一路都好想，依家一路傾緊，希望靠大家幫手集氣，等我哋盡快有好消息公布。」

-----------------------------

打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新