隔牆有耳：
十周年慶冇官員到場
公民黨「小鮮啤」迎賓 - 李八方
蘋果日報 2016/03/19 00:00
公民黨噚晚喺九龍灣筵開34席慶祝創黨十周年，由於一眾官員中只邀請咗財爺曾俊華，財爺又因要出席青協活動撞時間嚟唔到，所以冇官員出席。為超越前年200萬嘅籌款數字，除咗公民黨年輕區議員余德寶、「狄易達」鄭達鴻首度化身「啤酒男」為賓客斟香港本土新鮮釀製、每杯100元嘅「獅子山啤」籌款外，仲有書畫、紅酒拍賣。「砵仔王」老闆則義捐300底砵仔糕，唔少賓客都大讚，包括平日甚少食糕嘅自由黨榮譽主席田北俊都話好好味！
公民黨全體在台上舉杯慶創黨十周年。
余若薇讚賓客勇敢
出席嘉賓有前政務司司長陳方安生、佔中發起人陳健民、學民思潮前成員黎汶洛同「傘兵」楊雪瑩，前廣播處長張敏儀、行會成員陳智思喺場刊落咗兩版廣告、全國政協常委胡定旭同傳媒人鄭經翰則捐錢。但最令人意外係港姐冠軍麥明詩男友林作都有現身，林作話因為去年底入咗余若薇間律師行，律師行包咗枱，所以出席都好正常。
黨主席余若薇則讚揚賓客是日非常勇敢，風雨飄搖之時仲敢出席公民黨黨慶，強調公民黨願意革新，關鍵係未來十年喎。下屆好可能告別立法會嘅黨魁梁家傑破天荒演唱《近代豪俠傳》，傑哥話要特別多謝太太Carol同三名子女，指冇佢哋支持呢十年好難捱，又話想從政人士一定要搵個好老婆。
至於籌款方面，陳淑莊與街頭藝人Mr. Funny嘅魔術表演籌得一萬元，《清明上河圖》刺繡則以32萬元賣出，柯華捐出、余若薇書法老師林逸之嘅書畫以8萬元賣出。田少就用6萬元買下余若薇一幅書畫，余若薇另一幅書畫亦以3萬元賣出。最終破紀錄籌得245萬。
李八方
mailto:[email protected]
黨主席余若薇則讚揚賓客是日非常勇敢，風雨飄搖之時仲敢出席公民黨黨慶，強調公民黨願意革新，關鍵係未來十年喎。下屆好可能告別立法會嘅黨魁梁家傑破天荒演唱《近代豪俠傳》，傑哥話要特別多謝太太Carol同三名子女，指冇佢哋支持呢十年好難捱，又話想從政人士一定要搵個好老婆。
至於籌款方面，陳淑莊與街頭藝人Mr. Funny嘅魔術表演籌得一萬元，《清明上河圖》刺繡則以32萬元賣出，柯華捐出、余若薇書法老師林逸之嘅書畫以8萬元賣出。田少就用6萬元買下余若薇一幅書畫，余若薇另一幅書畫亦以3萬元賣出。最終破紀錄籌得245萬。
李八方
mailto:[email protected]
田少即試「砵仔王」老闆（右）捐出嘅砵仔糕。張志華攝
前政務司司長陳方安生同余若薇雞啄唔斷。