亞洲電視行政總裁吳雨稱大老闆買咗王征嘅股份，佢話：「我哋計過俾番credit，都23%，折合5、6億去買咗50幾%嘅股份，現金唔係一個問題，買咗一定可以營運開銷，我哋投資咗會套戲，買片同埋真係有好多器材要添置，同埋亞視都咁多年，好多嘢都要修葺，好多費用要使，講唔晒!」

吳雨解釋唔計收購嗰筆錢，續言：「第一年營運都要四億，因為設備、製作同人工，起碼喇，呢個(數)已經係最少。」

吳雨指剛開台會拍一啲啱年青人睇嘅重頭劇，有啲同大陸合作嘅幾億投資大製作，佢話係一定要有大陸市場，加番啲香港元素，問到《英雄本色》係唔係開拍，吳雨話個電影版：「已經買咗個版權落嚟，我哋會變佢做電視劇，至於幾多集，有咩演員，我哋就遲少少先講，要同國內開會先知，呢啲動作戲版權都唔平，我哋都投放好多，(要唔要幾億)，唔止，唔緊要o依家國內個市場好大，拍一、兩三億嘅嘢，唔係問題，我哋重金買番嚟嘅《贏天下》都拍咗7億，你話點計，一定翻到本，如果唔係，邊會有人做呢啲生意。」

吳雨坦言一定要埋個大陸市場，不過就可以加入亞視藝員，亞視嚟緊都用多啲大陸演員，幫到喺國內嘅發展，亞視暫時每套都有贊助商，吳雨坦言：「我哋有條廿四小時直播頻道，安排晒每朝嘅節目，呢個係免費，所以一定有廣告，每晚追嚟睇都得，另外我哋有個點播區，如果係唔想俾月費，就俾每套嘅錢，每套價錢都唔同，每次收費，一次過睇晒都得，仲有網上購物。」欣賞内容同時，亦可以參加《亞視巨獎「樓」俾你》大抽獎，有機會贏取價值一百萬港元嘅馬來西亞住宅單位及豐富獎品！

亞視o依家簽長約藝人同部頭約，佢哋有個節目揀緊人，選咗出嚟嘅新人就會簽長約，另外一啲拍節目嘅藝人就唔想簽咗約，又冇咁多嘢俾人做，大部分簽部頭約。

講到以前亞視藝人要上「洗腦班」？吳雨笑言﹕「我哋以娛樂為主，我哋冇任何節目，又冇新聞，以娛樂為主，大家高興開心。」