房委會樂富客務中心昨開始派發最後一期貨尾居屋申請表、售樓書及申請須知等，有市民昨晨9時到中心索取表格及查詢申請詳情，中心職員就在櫃位解答查詢。到場索取表格人士不乏年輕人。
短樁天頌苑被揭地板傾斜、洗手間漏水等問題，從事護理行業月入萬多元的羅先生稱不擔心，「居屋質素同私樓有一定距離，政府話會有20年保證，加上有問題設施已經換咗，唔太擔心，但買樓會檢查清楚」。
大專音樂系學生陳先生正輪候公屋，昨專程也到樂富取表，他現與父母及弟弟居於土瓜灣約300至400呎私樓，希望置業後可有更多私人空間，「樓價太貴，照攞咗嚟睇先，父母可能都會幫吓畀首期」。但他批評，房委會未有在天頌苑設示範單位，安排很差。
他又稱，雖然天頌苑「唔抵買」，但都會入表申請，「唔抵㗎，不過冇辦法，香港係咁，唔通真係住劏房，劏房可能四、五千蚊一個月得百幾呎，一係住爛樓，一係住劏房，睇你想揀邊樣，爛樓可能四正啲、大啲，住得舒服啲」。
今期貨尾居屋，房委會首次設24小時派表安排，市民任何時間到樂富客務中心也可索取申請表，下周四起開始接受申請，下月10日截止，準買家最快6月底揀樓。