恭喜！恭喜！西班牙中場沙維終於奪得離開巴塞隆拿之後首個冠軍。沙維自從離開巴塞之後，效力咗卡塔爾球會艾薩德接近3年，終於喺上星期六首嘗捧盃滋味。艾薩德喺上星期六嘅卡塔爾盃決賽，主場以2:1擊敗咗艾查殊捧盃，雖然37歲嘅沙維冇入波，但都表現唔錯，在場嘅球迷都不斷唱歌唱佢個名。唔講唔知，今次仲係艾薩德首次捧走卡塔爾盃㖭呀！