麥拿侖喺今季F1表現極差，世界冠軍級車手艾朗素更多次因為引擎故障而被迫退賽，令車隊經過七個分站之後，仲係得0分而包尾。麥拿侖行玫總裁布朗（Zak Brown）近日就公開抱怨本田，話呢個引擎供應商不斷開空頭支票，每次話要改善都做唔到，要認真考慮2018年用咩引擎。不過，本田F1主席長谷川祐介似乎就當布朗只係發吓牢騷、冇乜大不了：「麥拿侖感到沮喪，咁本田都係嘅；如果攞到唔好成績，佢哋發牢騷都好平常，咁唔代表我哋會就此解除合作關係。」