32歲加拿大女歌手Avril Lavigne於三年前透露染上了被蝨咬引起嘅罕見疾病萊姆病（Lyme disease），會出現皮膚慢性遊走性紅斑，然後再出現神經、心臟或關節病變，一路停工養病嘅佢已逐步康復，今早佢更於社交網站透露正在籌備第六張個人專輯，即將復出會歌迷。

Avril對上一次出碟已經係2013年，近日佢已頻頻公開錄音照，直至今早終於喺社交網站留言正式宣佈好消息。Avril又話渡過咗一個漫長嘅康復期，並透露正在籌備全新大碟，感謝歌迷耐心等待，希望炮製一張完美嘅新作給予大家。