當年今日

  民主黨熱線輔導會考生 - 李八方

蘋果日報 2002/08/07 08:00


今日放榜,中學會考生當然一步一驚心。唔少團體組織都有熱線服務,連白鴿黨都開咗條電話熱線,搵成四、五十個教師、社工之類老友幫手,會考生如果有乜諗唔通,記得打去傾吓偈,個電話就係23977033,「我們支持你,請不要放棄」。
咁有乜人幫手?會唔會係黨主席馬丁李聽電話?秘書長張賢登就笑言,馬丁專業唔係社工或教師,所以冇佢份,其他大家較熟識嘅,就有黃偉賢、陳樹英等,因佢哋曾做過相關工作。
條線連開四日,朝九晚十二,隨時為會考生服務。張賢登話,佢哋重利用流行嘅手提短訊,今日就會發畀幾千個同學,鼓勵佢哋。講開幅宣傳海報,白鴿黨都好有心思,特登搵馬龍畫插圖,令學生覺得親切好多。
講開鼓勵,又點少得老董嗰份。老董話,成績出眾嘅同學,就為佢哋付出嘅努力而驕傲;考得未如理想嘅同學,則希望佢哋唔好氣餒,要學習運動員堅毅不屈,從失敗中站起,建立自信。有人講過:〝Successisneverfinalandfailureneverfatal.It’scouragethatcounts.〞各位考生,共勉之。


傳真︰2623-9278
電郵︰[email protected]