陳展鵬、李詩韻、李綺雯及朱璇等，前晚出席由無綫行政主席梁乃鵬自掏腰包在長洲擺下的慰勞宴，並為今個月生日的樂瞳及蔣志光切蛋糕慶祝。有傳李詩韻和李綺雯展開攻勢爭陳展鵬，李詩韻和陳展鵬合照時表現尷尬，相反陳展鵬和李綺雯合照，主動搭着她的膊頭，全無芥蒂。

提到兩女爭一男，李詩韻說：「冇爭，佢唔係有個長期女友？借凳坐吓又話共用，坐人車又出事，真係唔可以亂坐。」她又聲稱陳展鵬沒展開追求。梁乃鵬即插嘴說：「今晚嘅慰勞宴係因《拳王》而起，佢（指李詩韻）話我知拍劇，但冇機會食飯，咁我咪安排吓。」記者指梁乃鵬很痛錫李詩韻，她開口即有慰勞宴，他說：「唔係，都係請大家食啫。」李詩韻笑稱：「搞到個個都多謝我，好似我請咁。」
問到跟陳展鵬是否投契？李詩韻大讚他說：「OK，第一次合作，佢幾叻，幾專業，做戲有研究，仲教我做戲。」她又稱不會想兒女私情，以免影響工作，又指不了解他是否筍盤。李詩韻坦言在劇中跟陳展鵬有很多親熱戲，她稱：「大家會投入，但唔會鍾意個對手。佢真係好專業，令我拍得好舒服。」
至於陳展鵬為何跟李詩韻合照尷尬，他笑言：「俾你哋發現㖭，唔會喇，佢可以搵到更好。」他又表示早年在亞視時已很喜歡李綺雯，奈何至今才能合作。
採訪、攝影：溫敏芝