94歲的林亮未言休，4年前憑成名作「黃鴨仔」再創業，不再做玩具代工（OEM），而是與其他品牌大搞Crossover（品牌聯乘），由福臨門到陀飛輪均見「鴨影」，連長和系前主席李嘉誠都忍不住嘆道：「嘩，你仲做啊？」

「我昨晚（訪問前一日）7點幾先係大陸返黎，兩星期前去上海，跟住去南京，4日前去佛山，都係傾鴨仔生意。」林亮現年94歲，是名副其實「90後」，又有「中國變形金剛之父」、「黃鴨之父」之稱，4年前興起第二次創業，就連仔女主動幫手均耍手拒絕，「我要表現畀人睇，從冇到有都可以成功。」

他兩年前打高爾夫球一遇老友李嘉誠，對方都禁不住問，「嘩，你仲做啊？」，他隨即回敬一句「你又做？」，兩位「90後」你來我往不遜年輕人。如今李嘉誠已言退，林亮卻與太太兩人夾手夾腳搞新生意。如此下去，幾時方休？他解釋，自己並非不知足，1948年造黃鴨，是為生活；現今再推黃鴨，是希望賺錢回饋社會，更希望用經歷激勵常嘆買不到樓的年輕人。

惟時移世易，當年幾萬蚊一層樓，後生仔肯捱就有得上位，現今連覓一瓦遮頭都似乎不易。林亮卻不認同，認為困難永遠都有，只是時代變，困難隨之改變，「10幾歲時日本仔打到嚟，咪返鄉下耕田，點識耕田啊？咪又係自己摸索，人哋點做咪慢慢學。」

他歸納，年輕人要成功不外乎三點。第一，不能墨守成規，要食腦，就如他從做OEM轉為建立品牌；第二，肯勤勞捱苦，他當年亦靠日做十多小時捱出頭來；第三，最重要是謙虛，肯向人請教，香港地總會有人出手相助。

他舉例，自己平日搭電車，未必有散紙隨身，便會大膽問路人借錢，並留下電話號碼，日後再還。他說，借錢搭車，與借錢做生意的道理一樣，不是銀碼多少的問題，而是貴乎謙不謙虛、肯不肯試。

他回想起，80年代有後生仔替他打工，三年內表現出色，交貨準時又達標，加之日做夜做夠勤勞，終儲得幾百元本錢，想開廠創業，奈何資本太少，到他面前厚著面皮借錢，他亦好奇問對方「得幾百蚊，你點開廠啊？你想借幾多？」，對方老實答「亮叔，我想買機械，仲想請1至2個人幫手，如果有10萬蚊就最好。」於是林亮二話不說，借出10萬。而該名後生仔亦交出成績，靠做燒烤盤模具，不出3年，就將10萬原銀歸還，其後生意愈做愈大，終在A股上市。

現時林亮的新生意就是建立黃鴨仔品牌，成立了「得意創作有限公司」，與其他企業如周大福（1929）與陀飛輪大搞Crossover，每次收取5位至6位數字品牌費，個別再按銷售加成，創業第3年已經開始賺錢。現時他趁健康便「做一日和尚敲一日鐘」，未來希望成立約15人的團隊，做得成的話，亦可以告知行家，不用再依賴蠅頭小利的OEM。「我會成功，因為我係打不死。」

記者：張浚浩