胡杏兒同一班《萬凰之王》嘅演員前晚喺鰂魚涌出席慈善活動，視后大熱杏兒畀觀眾投訴佢喺劇中化妝過濃，但杏兒話冇所謂，因為咁證明套劇有人睇。有粉絲投訴杏兒竟然冇憑《怒火街頭》角逐視后，不過杏兒話有獎已經好開心，家咁嘅情況會刺激啲。對於黃宗澤（Bosco）被爆密會長髮女，杏兒就話冇睇過報道，亦唔需要審問Bosco喎。