多個團體包括教協、公民黨、專上學生聯會等，昨召開國民教育科圓桌會議，討論本港是否需要國民教育，教協研究部主任葉建源指出，同意學生應接受國民教育，但不表示需要將其獨立成科，「呢樣嘢連前蘇聯都唔會有，因為佢唔止教授知識，連我哋對國家嘅感情都定義埋……將來只會出現一種可怕嘅虛偽現象，學生為求分數揣摩上頭諗法」。

資助小學校長會名譽主席林湘雲亦表示，會方無法從政府提供的二百多頁諮詢文件中，看出課程如何培育學生的世界視野及公民意識，「佢冇提過會增加人手，會增加資源，即係假設家所有教師都有能力教呢科，咁肯定係大錯特錯」。教師區健豪亦指，國民教育一旦成科，課程、課節、課擔等就出現，只會令前線老師喘不過氣。
學生同樣認為洗腦學科多餘，九十後動員召集人鍾曉晴就表示，現時已有公民教育及通識科，內容無異與國民教育科，如非有意洗腦根本毋須另起爐灶，「當你要計分，就肯定唔同晒，好似家嘅公民教育，我都要考試，答得正面嘅就A+，我有啲批判社會就得D-，咁你要唔要求分數？」但身為家長的新婦女協進會執委陳效能坦言，部份家長至今仍未看清大局，「佢哋同我講話支持國民教育，個仔可以免費去大陸遊學，又有機會學習吓內地國情為將來鋪路」。

教協指，將舉行相關家長學生論壇，亦會收集老師問卷結集民意，立法會議員余若薇就指，希望持份者提出個人看法，讓政府了解市民憂慮並煞停建議。