【大師兄冇面畀】太保爆成龍當年好驚洪金寶：聽到聲後門走人
蘋果日報 2020/06/06 13:42
成龍太保洪金寶
今年70歲的資深演員太保（原名張嘉年），早前憑電影《叔・叔》成為出爐金像影帝。日前他接受商台節目訪問，憶述自己18歲當年經師父午馬入行，由邵氏年代、張徹導演場記做起，後來轉行做演員。在八、九十年代，太保參演過百部電影，曾日孭三組戲，月賺數十萬。可是，他亦坦承自己當年跟不少圈中人一樣花弗愛玩愛蒲。直至40歲，才找到令他定下來的另一半台灣籍太太。太保說：「我算遲婚，透過候孝賢導演於香港聚會認識太太呢位靚女。張太吸引我嘅原因係因為慈母型，唔似我以前識嗰啲女性。我哋交往咗2年後結婚，一切都好偶然，冇求婚，行行吓街我問佢有冇帶身份證就走去登記，事實至今證明我冇揀錯，佢為我生咗一對仔女，改變咗我很多，令我一切以家庭為先。」太保更說，要不是太太鼓勵，他不會接拍《叔・叔》這部電影。
太保入行超過50年，見證香港歷代巨星的誕生，當中更包括於《龍爭虎鬥》一片合作的李小龍。太保說：「李小龍好瘦、唔大隻，但動作超快。佢對我哋武師好好，對好多人都係，只係對導演同老闆惡！」另外，太保亦先後於成家班及洪家班的動作片合作，他亦見證過過成龍、洪金寶兩師兄弟之間的微妙關係。「成龍好驚洪金寶，大師兄係冇面畀，會公開鬧人，成龍喺片場一聽到洪金寶到場，就會從後門走人，費事畀人公開批評嘛。不過，成龍好尊敬大師兄，巿道唔好時，會叫我哋一班武師要撐洪大哥。」
-----------------------------
太保日前接受商台節目《一圈圈 星光背後》的訪問。
成龍和洪金寶是多年師兄弟。
在電影《龍的心》，成龍照顧飾演弱智哥哥的洪金寶。
但原來私底下，成龍好驚洪金寶。
太保早年在電影中亦經常和成龍合作。