「第41屆山路文子電影獎」噚日喺東京舉行頒獎禮，各項賽果早已公佈，今年由《我們誕下幼子》嘅田中麗奈封后，電影同時獲頒最佳電影。

《我們誕下幼子》由小說家重松清名作改編、三島有紀子執導，講述飾演女主角奈苗嘅田中麗奈因被家暴離婚後，帶同與前夫所生嘅小朋友，再婚嫁扮演上班族田中信嘅淺野忠信，係一部探討家庭同人性嘅作品。

現年37歲嘅田中麗奈着住白色和服領獎，而佢對上一次喺呢個頒獎禮獲獎，係於98年憑《激浪青春》奪得新人獎，田中麗奈指今次角色10幾歲一定演唔到，佢視獲獎項為自己第二個轉捩點。至於老牌演員西田敏行同吉行和子就獲得特別獎。

更多娛聞，喺晒《娛果》
http://fb.com/appledailyent