當年今日
關於我們

隔牆有耳:公開談性有壓力 - 李八方

蘋果日報 2008/12/10 00:00


「外表斯文,內裏open」係好多人對性問題嘅態度寫照,心裏面想知想做,但就外表怕怕醜醜,有問題唔敢開口。有團體早排喺中環行人專區搞咗個性文化節,算係對保守觀念帶嚟一啲衝擊。性文化節中有人體繪畫模特兒,佢哋喺眾目睽睽之下裸體擺pose都未必有壓力,反而着得齊齊整整坐喺度講嘢嘅就有好大壓迫感。
話說其中一個節目環節係大專辯論賽,決賽辯題係「港府應立法監管網絡色情資訊」,中大同城大學生辯論隊一正一反,最後由反方嘅城大辯論隊勝出,攞到冠軍。城大隊長方祺輝話,比賽喺遮打行人專區舉行,要喺大批市民圍觀下發言話唔使立法監管網上色情資訊,真係幾大壓力。