早排被爆做model唔成嘅特首次女梁齊昕，噚日趁除夕收爐，喺facebook大晒同狼英同龍蝦媽媽嘅合照，相中嘅齊昕同父母喺摩天輪前大嘆雪糕車雪糕，仲好肉麻咁留言：「Hehehhe I love my Daddy」。點解冇話love媽咪？有啲嘢唔使畫出腸啦。齊昕話估唔到廿幾年後，香港仲有雪糕車，記得細個時一杯只賣4蚊，老竇通常畀一個5蚊銀或兩個兩蚊佢買雪糕食。

齊昕同時po咗另外一張相，就係佢同哥哥傳昕以及妹妹頌昕嘅行街相，阿妹仲趨前同佢sweet合照，被唔少網友讚靚仔嘅傳昕則比較cool。第一夫人早前話過，一家人齊齊整整香港過新年，唔知會唔會約埋一齊去鳩嗚？