方大同今日喺尖沙嘴出席佢首個喺紅館開嘅演唱會記者會，大同將於11月30同12月1號開騷，唔知係咪太緊張，佢喺台上多謝主辦單位時，都講到甩甩漏漏，事後佢話因為呢排好多嘢做，個人唔係咁集中，方大同話： 「咁第一次喺紅館開騷都緊張嘅，做完香港就會做巡迴。」

問佢會請咩嘉賓？有冇緋聞女友薛凱琪先？佢就話： 「佢知我開騷，但未同佢講，唔知佢得唔得閒，但應該都會叫佢幫手嘅。」