【去留議會】陳日君反對民主派延任一年 「正爭取真普選 接受委任感矛盾」
蘋果日報 2020/09/11 08:22
去留議會陳日君
【新增林卓廷回應】
對於民主派未來一年應否留任立法會，天主教教區榮休主教陳日君今日接受網台D100訪問時直指不應：「唔好留啊，點留？留乜嘢啊？」他指，立法會議員的4年任期已完結，現應進行新一屆的立法會選舉，「而家應該選新㗎嘛，點到你留唔留啫？」他又指，現時政府推出的是「非法的臨時立法會」，「我哋流咁多嘅血，之前流過汗、流過淚，要嘅就係真普選，你而家接受佢嘅委任？我覺得真係有啲矛盾。」
同場主持節目、並主張民主派留守立法會一年的工黨李卓人則指，同意政府現時的安排「原則上係非法」，但稱有人擔心如果民主派拒絕延任，政府將可以在無反對下通過任何法例，「一年後可能仲衰啲」，亦減少政府恢復立法會選舉的可能。
陳日君反問，留下來還可以做什麼？「我諗任何一個簡單嘅人，睇到而家嘅情形，嗰啲所謂留喺度的人，可以做乜嘢？大家企起身衝上去，咁俾佢拉幾個去，甚至告你，你做兩星期咪無得做囉！」
陳日君認為，民主派若要繼續鬥爭，即使不進入立法會，未來亦可以在議會外進行抗爭。
林卓廷認為守住每條戰線十分重要
民主黨議員林卓廷今日接受《蘋果》查詢時表示尊重陳日君的看法，但該黨的看法與陳日君不同，他認為在民主運動上，守住每條戰線十分重要，「當然每條戰線都係艱難嘅，但唔可以就咁棄守，拱手相讓全條戰線畀對手，我覺得係太過兇險」。他指在「港版國安法」下，港人進行街頭抗爭和國際連繫變得困難，議會戰線亦顯得更為重要。林卓廷又說，正正因為不想接受人大安排，所以聽取民意，用民調方式決定去留。
-----------------------------
《蘋果》英文版免費試睇：了解更多