曾經同周潤發合演荷李活真人版電影《龍珠：全新進化》（Dragonball Evolution）嘅日本女星田村英里子，消失東洋幕前多年，佢近日終於再度亮相當地節目，接受明石家森馬訪問，明石家重提24年前往事，當時田村英里子更被明石家搞喊，不過田村英里子表示已冇印象。對於今次再現日本節目，唔少念舊網民都話好開心見到田村英里子亮相節目，而佢外型亦變化唔算好大，只係面油多咗少少。

已經43歲嘅田村英里子於89年出道一炮而紅，當年佢被安排為動畫《偶像傳說英里子》包辦主題曲及插曲，深受動漫迷歡迎，又掃盡唔少頒獎禮嘅新人獎。田村英里子之後由清純偶像傳行性感，07年更接拍美劇《Heroes》及轉戰美國發展，當中以《龍珠：全新進化》中飾演梅思一角最為海外觀眾認識。