現年40歲嘅韓國男星宋承憲早前落實孖27歲高雅娜出演OCN新劇《Black》，劇集將於下月14號首播，劇中宋承憲變身做地獄使旭者戀上凡人高雅娜，劇組繼日前公開首個預告後，今日就再公開兩位主角嘅海報造勢，當中宋承憲一身黑衣露出凌厲眼神。

另外，噚日韓媒指神劇《太陽的後裔》男星宋仲基因為下月底結婚，所以就辭演咗Netflix新劇《王國》，而今日韓國傳媒就指《王國》正另邀劇集《假面》男星朱智勛演出，目前朱智勛方面正積極考慮。而柳承龍同樣獲得劇集邀請出演一角。

《王國》係《Signal》王牌編劇金恩熙嘅新作，亦都係金恩熙嘅首部古裝劇，故事以朝鮮王世子喺調查瘟疫爆發時發現背後隱藏嘅巨大陰謀秘密，劇集預計明年首播。