近期樂壇興講「隱世靚聲」，除咗陳柏宇、衛蘭之外，仲有佢37歲嘅Ella官恩娜。自從Ella喺15年宣佈陀B之後專心養胎，暫別樂壇，喺同年年尾生咗囝囝Gabriel之後佢都仲keep住專心湊B。

做咗人母之後，Ella都不時有新聞o架！不過九成都係講佢湊仔，咁幾時復出唱番歌先？喺去年中就有雜誌報道指Ella因為要餵人奶，要有足夠營養所以拒修身，仲因為咁復出嘅日子一拖再拖。等了又等，等足差唔多一年，終於有啲聲氣喇！事關衛蘭爆話喺錄音室見過Ella，而喺今年4月佢仲post咗張街頭賣唱嘅相上IG（相關新聞： http://bit.ly/2t7CsQA ），似乎為復出鋪路咁噃！

Ella喺噚晚update IG post咗張佢喺錄音室疑似錄音嘅相，雖然佢冇特別講咩，只係同大家講：「nite nite」，不過唔少網人見到都非常興奮，仲問Ella：「係咪錄新歌呀？」、「啊！你終於返嚟喇？」、「終於！等咗好耐！」似乎大家都好期待Ella把靚聲咁噃！