陳智燊同太太宋熙年噚日喺尖沙嘴出席品牌開幕，宋熙年爆老公有嚴重潔癖，不過就對囝囝嘅清潔度好寬鬆，陳智燊解釋話：「因為阿仔唔識。」

提到陳智燊將過首個父親節，佢話上個月母親節意識到自己做咗父母嘅感覺：「以往唔會買禮物，唔會慶祝，但今年就多咗個責任，我有冇禮物先？」身邊嘅宋熙年就話：「未有，你都未送，其實最好嘅禮物，就係我幫你生咗個咁可愛嘅囝囝。」
撰文：馮仁昭