忍受了居住環境衞生問題多年的陳小姐向記者大吐苦水：「啲垃圾愈積愈多、又有臭水滲出，啲部門又無能為力，我哋真係好擔心呢度變成另一個疫區！」

雜物傳出陣陣臭氣
陳小姐與家人同住鰂魚涌街太隆樓，她說，屋內堆滿垃圾單位，住有一名七十歲老婦，她擁有兩個單位及一天台鐵皮屋。十多年來，婆婆將在街上撿回的大量膠袋、鐵罐、紙盒等雜物，堆滿兩個單位內及門外公眾地方、雜物流出污水、傳出陣陣臭氣，婆婆習慣每天餵貓，不少貓隻在天台及各層走廊隨地便溺，居民均感到極為困擾。
「真係好惡劣，但我哋可以點？十幾年嚟我哋都忍，因佢都咁老，𠵱家非典型肺炎咁犀利、我哋真係想搞番好個環境先出聲，但都好似冇人幫到我哋。」她曾向衞生署反映，但衞生署着她找食環署；她聯絡食環署，但食環署職員指私人樓宇他們難以管理。陳小姐向業主立案法團求助，亦毫無改善。
「呢度係自己物業，想搬都好難，睇樓嘅人，一嚟到見到咁樣，都走夾唔唞啦。」陳小姐稱，他們曾多次報警求助，警方到場了解情況後，亦無能為力。居民擔心，萬一發生火警，後果不堪設想。