懷孕6個半月既楊洛婷同張繼聰，今日喺黃大仙出席商場活動，做司儀嘅楊洛婷，貪靚仍着低胸裝配高踭鞋，問佢腹中係仔定女，佢固作神秘話唔講，見佢凸肚臍有人估係仔，佢笑話要8月先公布。o依家佢出嚟做嘢，都會刻意搵好多大肚靚衫，老公都勸佢唔好再買，不過佢話：「一來如果生多個可以再着，而且我可以送俾朋友分享。」懷孕之後，楊洛婷話鍾意咗食甜嘢，醫生提醒順產不宜食太多令BB增磅嘅食物，而佢都會成日檢查糖尿指數確保標準。

另外，張繼聰忙於拍劇，噚日突然有半天假，同老婆Kay遊車河。阿聰透露因同劇歐陽震華眼發炎，要停外景。囡囡快將出世一百日，蘇永康之前以佢囡囡名義做善事，張繼聰多謝朋友，而百日宴佢就打算一家人低調食飯，問佢會送乜俾囡囡？佢話：「諗到佢將來有男仔拖佢手我已經嬲，仲叫我準備嫁妝？我要獨霸佢十年八載。」佢話仔女都好旺自己，好多工作，所有錢交晒俾太太，佢仲話：「啲人一直話太太有錢過我，我冇諗住反駁，由以前到o依家都係咁。」