面對娛樂行業強烈反對，港府同意就室內場所立法全面禁煙作出讓步，受惠的麻雀業界人士表示歡迎，卡拉OK則質疑豁免措施成效，指可能有「走法律罅」漏洞令禁煙法例難以執行。
加州紅卡拉OK董事經理、「全面禁煙條例關注組」召集人駱國安則認為，酒吧應與麻雀館、夜總會及桑拿浴室「睇齊」，同樣獲豁免全面禁煙，因為顧客多為成年人，至於卡拉OK方面，他認為當局應最少給予兩、三年過渡期，讓經營者及顧客逐漸適應才檢討是否全面禁煙。他又指現時不少夜總會僅領取食肆及會所牌照，質疑日後政府推出豁免措施「會畀人走法律罅」，「係唔係日後改個名叫夜總會，就唔使禁煙先。」

不過，港九麻雀商會主席高建鑾表示，同業間也有傳聞政府不會把麻雀館納入全面禁煙範圍，但他說由於當局未正式公布，暫對消息審慎樂觀。經營兩間麻雀館及三間食肆的陳鍾強則形容政府不把麻雀館列入禁煙區是好消息。他說，「入麻雀館打牌嘅市民，有八成以上都係煙民。唔吸煙嘅市民，唔會因為麻雀館唔禁煙，而唔入去打牌。」
在麻雀館任職公關經理的阿莉不煙不酒，她說為謀生無奈接受二手煙，「如果麻雀館唔准食煙，要客人打兩鋪，又要行出街食口煙。邊度重有客嚟打麻雀？冇生意打工仔就要失業，身體健康又有乜用。」經常到麻雀館打牌的阿KENT稱打牌抽煙是積習，「我打十幾圈牌，最少食一包半煙。最緊要係邊打牌邊吸煙，先至唔會咁容易畀人睇到你叫胡未。」
本報記者