兩年前的環台跑，今年的環港跑，63歲的譚志強，以行動證明，追夢並沒年齡限制。

妻兒眼中，謙厚的譚Sir顧家、待人真誠，多年生活安穩。惟這位好好先生，卻於8年前開始做起瘋狂事，55歲之齡首次參與馬拉松比賽，一來便是全馬，「我同兩個女喺終點等咗成個鐘，唔見佢，新聞話有人送院，同兩個女互望，大家都唔敢講出口。」譚太Pauline說起來仍猶有餘悸，幸譚Sir最終平安到達終點。

譚Sir其後對跑步愈趨狂熱，更於60歲時，向家人提出到台灣跑步籌款，「以為佢講下算，之後唔提就會唔記得，點知佢真係咁做。」

40日的環台跑，妻女於家中提心吊膽，「真係好驚，我跑幾個圈都喘晒氣，佢仲要跑足咁多日。」譚Sir長女Chloe對父親的驚人意志大為佩服。

兩次慈善跑，家人皆全力支持，譚Sir坦言：「錫晒佢地！」而今年剛好是譚Sir與太太結婚30周年，譚Sir以此作為禮物送給太太，譚太直言十分滿意。

譚Sir表示，考慮到自己已63歲，體力有限，故暫未有下一步計劃，他認為，凡事皆看時機，因此不會斷言「收山」。Chloe不禁插嘴說：「Daddy上次喺電視見到有人去北極跑，佢話下一站就去北極，我擔心佢講真。」

正於港大就讀社工學系的幼女Joey，將於明年畢業，Joey指，爸爸的善舉給她很大啟發，令自己成為社工的決心更堅定。於Joey眼中，譚Sir是鐵人爸爸，亦會自豪地跟同學分享爸爸的環台跑事跡。對於譚Sir下一站可能是北極，Joey雖說「好擔心，危險好多」，惟最後仍不禁說：「如果係真，我會跟埋去。」

欲支持環港跑的巿民可透過以下連結網上捐款： http://www.cancer-fund.org/diy/view.aspx?pid=240&lang=TC

你敢爆，我敢獎！ 即Call《蘋果》24小時爆相爆片熱線 ：63836568