【新增回應】
9月喇，開學喇，今日啱啱好就開咗學一個禮拜。

蔡少芬（Ada）細女信兒（包子）今年先升上K2，有學校照顧暫時唔使媽咪粗心，咁就可以照顧下大女楚兒（湯圓）喇，上星期開學日，Ada就幫湯圓預備午飯，親子之餘仲非常溫韾。

但一班小朋友一齊，就變得容易互相傳染，湯圓返咗唔夠一星期學就中招病咗。今日凌晨1點幾，Ada喺微博貼出幾張相，其中一張見到湯圓戴咗口罩，額頭敷咗濕毛巾降溫；另一張相顯示湯圓發燒燒到39.3度。

幸好Ada剛完成手上工作，加上細女今日放假，可以專心照顧大女，她留言稱：「發燒……好心疼啊……但也超感恩！剛好完成兩天的工作，可以照顧大女！以為要明天要送細女兒上學，剛發現明天原來學校放假！感謝主，真好！我們三都可留在家了！好好休息！」另外，爸爸張晉因為仲喺大陸趕緊佢套電影《葉問外傳：張天志》，所以仲未可以返屋企湊女。

今日Ada回覆《蘋果》時話：「多謝關心，阿女發燒，但燒冇咁快好，最少都要3日。」呢位媽媽苦中作樂，笑住講：「細女噚晚都高燒，都一齊燒咗喇。」不過Ada話兩個女情況都OK，精神好好，已經帶兩位囡囡睇咗醫生，話係呼吸道問題，定時食藥就會好番。到咗今日夜晚8點左右，Ada再放咗一張三母女合照上微博，三個人都戴咗口罩以免再互相傳染，睇得出有好好休息啦。

想隨時獲得更多親子資訊，快啲like Easy PaMa Facebook啦！
https://goo.gl/1qWM8g