【新增影片】
今日為澳門立法會選舉投票日，記者重臨風災重災區十月初五街，不時聽到市民或店舖老闆討論「天鴿」帶來的影響，小食店老闆高先生表示，一定會投票，強調風災後頭兩日一個官員都未曾出現過，「乜都係我哋自己搞，嗰啲問責官員一個都冇出現過」，「一定好嬲，本身個個已經好徬徨、好慘」。

高先生指今屆一定會投票，「表達下自己(不滿)，對政府嗰啲懶散，同唔關心市民」。高先生希望自己揀的候選人能真正為澳門服務，「希望能夠市民有訴求時，盡心盡力去幫，就係咁簡單」。

開生果店的梁先生則指風災當日水深兩米高，損失慘重，今日一大早便投票表達意願，因風災對市民帶來很大影響，認為風災揭示澳門立法會需要新人入局，「澳門乜嘢都用錢」。梁先生指自己心儀民主派，「我都希望投畀新人，如果成日都係呢批人，咁冇乜必要投」。梁先生認為澳門人政治冷感，想將反對聲音帶入議會，「講議員、講政績，希望佢真係為民請命咪去投囉，澳門人係比較政治冷感，公民意識比較淡薄，投票意願低啲」。