當年今日
關於我們

崇日有理

蘋果日報 2006/05/27 00:00


呢期超興誇張兼大抽的掛頸飾物,無論係HighEnd品牌抑或Boutique仔,總見到櫥窗內的Model公仔頸上的一大抽一串串,走出街,亦一定發現每5個女生當中,例必有一個有大珠鏈掛頸,即使跟自己套衫完全唔Match都照樣身體力行,唔怪得連「瑩媽」呢類只跟電視做朋友的師奶,都曉同我講今年興浮誇飾物。要湊一湊浮誇熱,我哋呢類尋常百姓,無必要擺成千蚊上頸(最慘係戴咗都俾人以為係幾十蚊貨仔),但小妹亦唔鼓勵各位自己到深水埗買朱義盛或者自己串珠仔,事關這些珠仔大都手工粗糙,連提升自信的作用都缺乏,被人誤會係「自由人」就無謂啦,有些錢是應該俾人賺的。早幾日去銅鑼灣探探朋友開的小舖,得知她舖內的飾物產自日本,摸落手果然係唔同,鏈上的飾物亦相當可愛,價錢200元有找,毋須考慮即刻傍水。如果你會話我崇日心態作祟,我會話質素真係有分別,打扮這回事,下下民族主義上身實蝕底!
empty