【爆相爆片】劉鑾雄（大劉）去年11月登報聲明，與呂麗君早於14年已正式分手，女方照顧二人所生的一對子女劉秀盈及劉子鋒，當時大劉指呂麗君多年已獲分配20億資產，分手後的她亦忙於打理她有份成立的「呂．沃爾頓地球創新研究基金」，推動全球愛護自然環境。

呂麗君專心湊一對子女，日前趁二人放暑假安排親子活動，被本報讀者邱小姐透過「爆相爆片」直擊三人去睇戲，同行還有保鑣及工人，總動員6人去了銅鑼灣皇室堡睇《壞蛋獎門人3》英文版，邱小姐表示：「嗰日戲院都幾多人，佢哋都坐得幾前。未開場前，呂麗君就成日擰轉面望吓啲小朋友有冇坐定定，又同佢哋傾咗幾句，佢哋三仔乸當日都係着casual wear，冇乜人留意到佢哋。」其實，與大劉分開後的她生活依然富泰，出入有司機、工人及保鑣，享受做單親媽媽的生活。
呂麗君與三子女所去的戲院處於大劉旗下的商場物業，而大劉更被多次影到與太太甘比及子女去睇戲。大劉通常出巡到此戲院睇戲相當高規格，會預先吩咐戲院職員，預留該院廳最後兩排座位，亦預先用欄杆圍出一條通道。今次，呂麗君就帶一對子女去大劉與甘比拍拖的據地，似乎她已早放下過去心中的不快。
採訪：王梓嫚