喺劇集《來自星星的你》中飾演全智賢細佬而人氣急升嘅男星安宰賢，最近真係忙到甩碌。

除咗日忙夜忙趕拍新劇《你們被包圍了》，仲要分身飛去上海，拍攝同女星劉仁娜合作嘅大陸戲《婚禮日記》。

日前安宰賢就被發現喺上海嘅奧林匹克花園拍戲，著住T裇、拎住籃球嘅佢活力十足。

之後佢又再轉場去到一間勁有mood嘅餐廳拍第二場戲，佢仲好nice咁同在場工作人員影相添！

另外《你們被包圍了》今日就喺官網公開咗張女主角高雅娜嘅四格花絮照，表情多多嘅高雅娜，被網民大讚佢得意到暈呀。