2017年又到9月，時間真係過得好快，今個月有唔少新劇出籠，當中題材都有好多選擇。當中除了愛情喜劇外，亦有家庭倫理劇，或者寫實題材嘅劇集，照顧晒唔同煲劇迷。

(一)KBS《我的黃金光輝人生》（首播日期：9月2日）
《藍海傳說》女二申惠善首度擔正做女主角，孖《清潭洞愛麗絲》嘅朴施厚出演新劇，劇中描述申惠善原本有機會成為上等人，但因為父親生意失敗而成為窮二代，最終同集團長子朴施厚發生嘅愛情故事。

(二)MBC《做飯的男人》（首播日期：9月2日）
韓國女團少女時代嘅秀英首次挑戰50集長劇，並與溫朱莞、徐孝琳等擔正演出，秀英喺劇中飾演為了脫離父親就去咗國外，仲放棄去大企業工作嘅機會，並喺國外生活，點知撞到溫朱莞後，令秀英人生有仲大改變。故事圍繞中年人對婚姻以及年青人之間對愛情睇法嘅故事。

(三)tvN《Argon》（首播日期：9月4日）
由青龍影后千玗嬉孖金柱赫主演嘅《Argon》，係講假新聞充斥嘅年代，一班熱血記者如何揭露社會真相嘅故事。劇集有別韓劇標準16集嘅形式，只得8集。

(四)KBS《內衣少女時代》（首播日期：9月11日）
韓劇《黃金交叉》洪碩九導演同《拜託了，媽媽》尹景雅編劇合作嘅新劇，卡士唔算為港人認識嘅演員，當中比較為人認識就係男團CNBLUE嘅李宗泫，其他演員還包括苞娜、蔡舒辰、徐榮柱等，劇集以70年代嘅大邱為背景，係一齣青春愛情劇。

(五)SBS《愛情的溫度》（首播日期：9月18日）
一向有收視保證嘅徐玄振孖再同《浪漫醫生金實福》嘅楊世鍾合作，聯同金材昱同趙寶兒等出演《愛情的溫度》，劇集係講徐玄振唔相信一見鍾情，反而楊世鍾就相信自己直覺，兩人相遇但卻未有相戀，最終經歷離合後先找到愛情嘅感覺。

(六)KBS《Andante》（首播日期：9月24日）
由韓國男團EXO嘅KAI孖女新人李藝賢主演嘅周日晨早劇，故事圍繞處於反叛期嘅高中生KAI，私自轉學到農村學校後，點樣克刻陌生生活嘅故事。

(七)MBC《20世紀少男少女》（首播日期：9月25日）
由《茶煲阿四》女星韓藝瑟同《又，吳海英》嘅36歲男星金基石主演，二人上月仲飛咗來香港拍攝外景，劇情主要圍繞三個35歲嘅女人之間嘅故事，集合愛情同友情嘅現實故事。

(八)SBS《當你沉睡時》（首播日期：9月27日）
又一齣先拍後播嘅韓劇，由兩大韓流明星李鍾碩同秀智主演，故事描寫能夠於夢中預知未來嘅女人，跟阻止悲劇發生嘅檢察官之間所發生嘅故事。