長和系重組股東會開始，小股東陸續發問，第三位股東問道，一旦長實（001）議案過到，和黃過唔到，點算？長實執董葉德銓回應指：都無大分別。如果和黃（013）真係過唔到，就再諗計仔囉！

第四個股東問，希臘問題及中國打貪，會否引起環球股災？如何應對？葉交予霍建寧答，佢話:我地希臘無嘢，歐洲零售生意好好，明天業績，不如留返聽日講囉！

第五個股東問，投資界讚好重組，但社會反應不同，係咪社會政界對你有誤解？

李澤鉅回應指：無可能100%人滿意，除非神仙做嘢，我地只可以令大部分人滿意，我份工係對股東交代。而且社會無乜反對聲音。這番話贏得股東掌聲。