肥佬黎噚日朝早喺《壹錘定音》節目話，佢同Paul係相識多年嘅老朋友，嗰次聚會係5月27日嘅事，對方去印尼，途經香港，所以約時間敍舊，肥佬黎話除咗佢哋，另外仲有三人在場，原本請埋李柱銘上船，但馬丁事忙無暇出席。
被形容為「密會」，其實嗰五個鐘有乜傾？肥佬黎笑笑口話當日「出船你係出去游吓水吖嘛，唔係上船傾偈吖嘛」，強調「從未接受過外國資助或外國機構關係幫助」，仲指美國「早已出賣香港」，冇諗過要求美國出手打救香港。
肥佬黎呢五小時遊艇gathering，觸動中央神經，噚日竟然巧合地有媒體喺外交部記者會上，問發言人華春瑩點睇肥佬黎呢次港美gathering。華春瑩話唔了解報道，重複官方口徑，堅決反對任何外國勢力、任何方式干預香港內部事務。