比利時、烏克蘭、丹麥及波斯尼亞四路在周三歐國盃外圍賽需要讓球球隊，都非能穩開上盤戰果分子，該4場相關賽事捧場客宜留神。
A組賽事阿美尼亞主場對比利時，比利時戰力今非昔比，上月中主場竟然只能打和哈薩克0:0！今日作客阿美尼亞，唔信比利時嘅攻擊力可以突然提升，主隊不敗有機。

格魯吉亞作客更放

B組烏克蘭主場對格魯吉亞，客軍剛於上周末主場淨負法國3粒，烏克蘭又係世界盃8強分子，就咁秤烏克蘭起碼高一班；但格軍近年曾有作客烏克蘭迫和紀錄，而且上場輸畀法國，都係班守將喺主場球迷面前騰騰震所致，今日作客，放手一博，應有更好發揮。
F組冰島對丹麥，上周五丹麥友賽主場大勝葡萄牙4:2，但畢竟係友賽，葡萄牙教練史高拉利出名蠱惑，北歐人就無咁有機心，戰果未必反映事實。丹麥大軍人腳仍以羅美度、湯馬臣等近年狀態回落的老臣子組成，戰力唔算太好，冰島未必輸實。
C組波斯尼亞主場對匈牙利，以上周末兩軍遭遇來看，作客大勝馬爾他的波軍，較主場以1:4大敗於挪威腳下的匈牙利更具狀態。但平心而論現時雙方戰力幾算均等，波斯尼亞單憑主場之利讓波難靠，匈牙利「客勝」有計。文：華度