勝出中西區議會山頂選區補選後，楊哲安即由鄰近父母的薄扶林住所，搬至山頂選區範圍的麥當奴道，以便更易接觸及服務區內居民；早前（11日）更不惜以貴租，在未獲政府津貼前自掏腰包租用租金高昂、距離海港政府大樓極近的中環永吉街一個樓上舖位作議員辦事處，楊說：「（選址該處）係為咗區內有乜事，即刻可以走過去跟進」。

除出動「銀彈」為地區工作部署「硬件」，楊哲安亦獲家人「軟件」支援，除有父母協助照顧女兒，其妻子、前藝人張新悅早前亦已結束生意不錯的中環健康食品舖頭生意，專心照料家庭，只在閒時進行慈善工作。

一向「官仔骨骨」的楊更笑指，妻子更是其形象指導：「除咗襪同私人衣飾外，所有衣著、我剪頭髮嘅地方、你見到嘅（外表上）所有嘢，都係佢（太太）幫我揀」。楊更苦笑當日受訪時遲到近15分鐘的原因，「因為我出唔到街，我自己揀完出街，佢（太太）話唔得，要我換返條褲，咁咪遲囉」，形容妻子時裝觸角很強，「我的衣著已經外判咗畀太太統治」。

記者 林俊謙