蘭西情報課：
貝沙開盤下周搞衣著選
蘋果日報 2004/11/30 00:00
薄扶林貝沙灣被測量師學會選為今年最佳售樓書及市場推廣樓盤，連攞兩個大獎，但發展商盈大喺宣傳攻勢方面未有鬆懈，下個禮拜四，又舉辦最「拿手」嘅名人之夜，今次主題係十大衣着選舉。
呢個每年都會舉行嘅選舉，第一次移師去樓盤售樓處舉行，地方大，夠豪華，可能係選址考慮之一。
當晚會展出由本港十四位著名時裝設計師，負責設計嘅二十套時裝。設計師來頭勁，例如馬偉明（WalterMa）同埋LuLuCheung等。
其實貝沙灣售樓處內嘅博覽館，已唔單止用嚟賣樓或做示範單位咁簡單，盈大先後喺現場舉辦多項活動，包括邀請意大利時裝品牌Ferragamo舉行秋冬時裝展，著名銀器品牌Puiforcat展覽，同埋借畀電影公司拍電影。市場人士話，今次再舉辦晚會，主要配合下周推出第六座發售。
屯門新樓筍價租出
屯門樓價平，租值都唔高得去邊，好似新入伙嘅聚康山莊咁，最近就有一宗平租成交，五座低層D室，五百七十八呎，全包月租都係四千一，每呎七個一，係呢個屋苑入伙以嚟新低，重平過好多同區舊樓。
祥益地產董事謝澤銘話，單位業主因採用首兩年免息供方式入市，所以愈早租出單位愈「着數」，咁咪肯平啲囉。
至於另一個二座低層D，五百七十七呎單位，全包月租四千七，每呎八個二。
聚康山莊租務相當活躍，現時放盤有三十個，五六百呎單位全包月租四千五至五千蚊。但係有好多業主十五十六，未決定自住定係將單位放租，因此未來租盤供應應該幾充裕。
呢個每年都會舉行嘅選舉，第一次移師去樓盤售樓處舉行，地方大，夠豪華，可能係選址考慮之一。
當晚會展出由本港十四位著名時裝設計師，負責設計嘅二十套時裝。設計師來頭勁，例如馬偉明（WalterMa）同埋LuLuCheung等。
其實貝沙灣售樓處內嘅博覽館，已唔單止用嚟賣樓或做示範單位咁簡單，盈大先後喺現場舉辦多項活動，包括邀請意大利時裝品牌Ferragamo舉行秋冬時裝展，著名銀器品牌Puiforcat展覽，同埋借畀電影公司拍電影。市場人士話，今次再舉辦晚會，主要配合下周推出第六座發售。
屯門樓價平，租值都唔高得去邊，好似新入伙嘅聚康山莊咁，最近就有一宗平租成交，五座低層D室，五百七十八呎，全包月租都係四千一，每呎七個一，係呢個屋苑入伙以嚟新低，重平過好多同區舊樓。
祥益地產董事謝澤銘話，單位業主因採用首兩年免息供方式入市，所以愈早租出單位愈「着數」，咁咪肯平啲囉。
至於另一個二座低層D，五百七十七呎單位，全包月租四千七，每呎八個二。
聚康山莊租務相當活躍，現時放盤有三十個，五六百呎單位全包月租四千五至五千蚊。但係有好多業主十五十六，未決定自住定係將單位放租，因此未來租盤供應應該幾充裕。
新盤呢期興改名，好似長實大坑名門，唔同款單位各有靚名，噚日公布，第三座樓王二千四呎五房單位，叫做盛名殿，而二千呎四房叫耀名殿，加埋上次公布嘅揚名殿，好似幫仔女改命咁。發展商話，呢類單位，呎價最平要萬二三。
長實黃思聰話，第三座早前收到個本地客出四億，洽購六層共十二伙，每呎萬七，重開出兩年包保唔轉售嘅條件，雖有誠意，但黃思聰話，依市況只係合理價，況且未攞到售樓紙，暫時唔賣住。
名門未賣，代理已經做晒工夫，港置話，準備用一百萬做宣傳，成立名門專隊，重將分行改裝成名門專舖。
第四季大手成交特旺，尤其一幢幢嘅商廈，噚日傳出雲咸街八號，以六億六易手，買家係水頭甚足嘅發展商南豐。
呢幢建築獨特嘅中區商廈，位置唔錯，全幢九萬七呎，收緊一百萬租，業主係中資三九胃泰或有關人士，千禧年以五億六買入，○二年以五億四轉售，但交易無疾而終，近月市好，以七億放盤，獲不少投資者洽購。
今次交易都係疑幻疑真，據聞，南豐旗下財務公司係該廈按揭貸款人之一，最近低調出價洽購，直至上周末，獲業主首肯出售。
投資者趁舖市大旺出貨，就連邊遠嘅新界粉嶺都帶旺埋，聯和墟榮輝中心有個地舖，上星期以二千六萬成交，隨即引來另一地膽投資者，委託日進測量師行，一籃子標售六項舖位，估計市值成億，其中三項集中喺聯和墟錦福大廈地下，加埋超過萬二呎。
蘭西睇落，呢個投資者對護老院份外鍾情，六項舖位有三項租客都係護老院，包括錦福大廈、深水埗順發居及建文大廈，由四千幾至七千幾呎。護老院都算係鐵約租客，特別係深水埗一帶人口老化地區。
傳統豪宅區九龍塘買賣活躍，剛有兩項屋地成交，總值近億。
中記梁瑋麟話，嘉林邊道二十九號，地皮近五千三呎，由地產商斥五千萬購入，向政府補價後，可以三倍地積比起樓，總樓面近萬六呎。物業原由三個業主持有。
另劍橋道六號，現為亞洲辦館，有地庫、地下及閣樓，全幢逾七千五呎，可以一點八倍重建，以四千八萬賣畀投資者，樓面呎價三千五。上址月收二十萬，回報五厘。聽講，買家考慮分間出租，回報可升至逾七厘。上址三面單邊，具重建價值。
電郵地址：
著名時裝設計師WalterMa（圖）與LuLuCheung，下周將會在貝沙灣舉行時裝展。
聚康唔少業主用首兩年免息供方式入市，好多十五十六，未定出租定自住。
名門每款單位都有個名，呢款五房單位就叫做盛名殿。