38歲嘅林盛斌(Bob)日前自爆有三條心臟血管塞咗，要立即入院做通波仔(栓塞冠狀動手術)，現在已經通番兩條，最後一條要喺兩個月後再做多次手。(相關新聞﹕ https://bit.ly/2LIB3oO )

據悉Bob現在已出院回家休息，不過佢今日都有喺ig貼咗張同醫生合照，仲借機會推銷一吓醫生叔叔，佢話﹕「咁嘅，幫我做手術嘅呢位醫生，叫Jason，40歲，養X心臟科主診醫生，事業有成，有上進心，絕冇不良嗜好，成熟，穩重，工餘時間熱心公益，我係女人會主動溝佢，而個重點係...........佢單身。」

「咁點解佢會冇女，我相信主要係因為『悶』，我聽佢講解個手術同巡房傾偈嗰陣，我爭啲瞓咗!各位姊妹，有需要PM我！」

而Bob接受周刊訪問時，就話今次真係死裡逃生，之前發現心口有啲翳悶，手腳又有痲痺同痛，原本一日一、兩次，惡化到一晚三、四次，佢先知嚴重要去check心臟。醫生要佢立即做手術，Bob都有一刻諗過要做埋最近啲job先做，咁當然係唔得啦，所以佢都奉勸各位命仔緊要，唔好只顧工作，要多啲注意健康。

精選娛聞，喺晒《娛果》 http://fb.com/appledailyent