喺90年代有金牌編劇之稱嘅陳寶華，當年炮製咗唔少經典劇集，好似《真情》同《再見亦是老婆》等，不過喺01年佢離開無綫北上發展。早前有報道指離巢十幾年嘅陳寶華將會回歸，炮製一部關於多功能老婆嘅女人劇，嗰陣有指女主角嘅人選屬意係鄧萃雯。

今日陳寶華嘅新劇喺尖沙嘴舉行記者會，除咗黃浩然、周柏豪、洪永城同朱晨麗有份演出外，亦公佈女主角嘅人選，不過唔係傳聞中嘅鄧萃雯，而係17年冇再拍劇嘅楊千嬅！千嬅話今次係好有緣份同奇妙嘅事，佢話：「對上一次拍劇已經係01年同林峯拍《美味情緣》，今次舊年12月中我開演唱會嗰陣，余詠珊搵丁生（老公丁子高），話陳寶華想搵我拍劇，仲話覺得呢個角色好似我！」

千嬅本來一直有計劃再生B，但係今次為咗拍劇，千嬅仲講笑話：「唔知點解要咁秘密，搞到我好似秘撈，丁生就好似特務咁幫我去傾。」而早前講過想追BB的千嬅，唔知有冇影響呢個計劃，佢就話：「要押後計劃，不過呢套劇喺暑假先開工，基本上對家庭嘅影響唔係咁大，佢哋都有作息時間，唔係好似以前咁chur。」

除咗千嬅之外，好多年冇拍劇嘅黃錦燊亦有份參與，佢話今次嘅角色係類似《真情》嗰類角色，黃浩然就話今次可以同恩師陳寶華合作好開心，佢會同千嬅做夫妻。最搞笑仲係，原來劍雄哥(即黃浩然)同方麗娟(即楊千嬅)再次合作，千嬅笑言︰「唔明白點解好似係秘密咁，搞到我好似秘撈，丁生就好似特務咁幫我接洽。」黃浩然都話佢事前係唔知道要同千嬅合作，洪永城亦好搞笑話喺兩個月接到通知後，但係一直都冇收到消息，搞到佢以為自己俾人抽走，最後喺舊年10月收到通知。

搞咩要咁神秘？？？

精選娛聞，喺晒《娛果》
http://fb.com/appledailyent