有「地獄黑仔王」之稱的大台小生張振朗，今日黑氣全清，事關他能夠野生捕獲周潤發，張振朗在社交網晒合照，興奮留言：「今次仲唔到我！」

相中的張振朗四萬咁口，發哥貫徹一身黑look打扮，黑衫、黑外套、黑cap帽、黑超，對着鏡頭露出友善微笑，張振朗寫道：「發哥叫得出我個名真係好興奮，我都好想回應番佢一句：唔好攞支槍指住我個頭！係...我青！我只係好想但冇做！#笑到見牙唔見眼 #我訓練班畢業表演就係演呢一齣戲」。

網民留言：「開心仔啦，你個『地獄黑仔王』轉運喇！」、「好羨慕」、、「未見過你笑到咁」，張振朗開心回應：「偶像啊嘛」。張振朗有份演出的劇集包括：《愛·回家2》、《全職沒女》、《踩過界》等，近年被大台力捧做男主角，惟接二連三遇黑仔事件，包括被商場天台飛落街的大型帳篷擊傷腰和膝頭，去年在台慶綵排時，被吊臂錄影機飛墮撞傷頭部，而他擔正做男主角的《堅離地愛堅離地》及《牛下女高音》，曾因黃心穎的偷食事件被拖累一度抽起，故被封為「地獄黑仔王」。

-----------------------------
想知今年愛情事業健康運勢？
十二星座運程指南點擊即睇！
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇