《全民造星II》經過一連串比拼，將於周日進行決賽，十強Phoebus、Oscar Li、Mike、MC、Tank、JJ、Brian、George、Hugo及Justin今日到商台接受訪問。決賽將近，眾人都大呼最渴望是睡得夠，JJ表示賽後最少要睡半年才能回氣，而Hugo則笑言想跟花姐「入棺」休息。

近日練習期間，他們都有偷偷互相留意對方演出，當中以Hugo與Oscar演出最多人，Hugo透露與20位舞蹈員一同演出，而Oscar則表示有紅館級數舞台，Hugo已經打開了自己家鄉泰國市場，更笑說：「我可以組隊泰國MIRROR，成團只得我一個。」他們分別拍片拉票，當中最好笑的是MC及George的《三五成群》，MC說：「網友話George似片中嘅大王，我就自薦做神仙B，裏面踢拖、含牙籤同擔櫈仔係自己加。」講到大家心水冠軍時，被視為大熱的MC看好Oscar、Tank及自己，被花姐看好的Oscar笑指希望「燈神」花姐將愛分給其他九位參賽者。

到商台宣傳新歌《黑方格》的林奕匡（Phil），今年年中放下工作，飛到美國進修音樂，兼且創作新專輯中所有歌曲。《黑》歌源自在美國進修時，有份功課需要在20分鐘內完成創作一首歌，當刻有個構思在腦海中是Stranger in the dark，他說：「呢個諗法好有趣，就好似情侶喺熄咗燈之後，就會變成陌生，因為彼此心靈上都唔了解，好多時啲人唔會將唔開心嘅事講出嚟，就冇人了解。」

Phil自言跟太太都有充分溝通及了解，所以熄燈後不會變成陌生人，問到他是否勇於批評太太？他笑說：「又唔可以太直接，要睇情況，例如佢問我邊對鞋好睇，我就會畀意見。」若果太太肥了會否敢指出，他指太太沒有肥過，最緊要健康便是靚。

採訪、攝影：馬建華

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇