陳煒今日在荃灣出席代言活動，同場還有謝雪心、康華、楊柳青等。陳煒表示擔任代言人已幾年，每年的酬勞亦有遞增，笑言有爐具贊助，的確慳回不少金錢和時間。經常下廚的她，有否想過讀法國藍帶廚藝課程？陳煒說：「我又冇呢個諗法，由細到大我都煮食，經驗累積，同埋我會去鑽研。」

提到她在大台節目《如果這樣生活》，細說與前夫離婚一事，陳煒表示：「都係時候放低，都咁多年，不過我嘅心理學老師話睇我嘅表現，話我未放低，我仲以為自己放得低，如果7月有時間，我都要去上堂。」對於香港近日發生不愉快的事情，陳煒說：「當然唔想見到，大家要理性處理，慢慢去傾，唔好咁衝動去做一啲傷害自己嘅事，家人會好擔心。」

此外，閒時有下廚的謝雪心，她坦言很想有個飲食節目，就連節目名也想好了，叫《心之味》，「我可以介紹吓寵物食物，咁樣對寵物嘅身體都會好啲。」

-----------------------------
6月14日至22日 《GAME迷鬥一餐》
玩《小小金魚跳躍王》即有機會贏取 OUTBACK $100現金券
http://bit.ly/2HW1FUH
-----------------------------
【新聞有價】繼續撐蘋果
請往蘋果日報網站了解更多