今晚西甲有場榜首對包尾嘅比賽，巴塞隆拿主場迎戰奧沙辛拿。巴塞主場波衫係紅藍間，呢個係人都知，不過因為奧沙主場同作客兩套波衫都同巴塞撞色，所以今場要臨時製作一件橙色嘅第二作客球衣。

奧沙經過33場波仲係得18分，今場仲要對巴塞隆拿，如果今晚輸波加上稍後嘅雷加利斯贏波，就正式宣告降班。奧沙嘅主場同作客波衫分別係紅色同綠色為主，兩件衫對住巴塞嘅紅藍衫，如果喺電視睇直播嘅話，球迷就會好難分邊隊打邊隊。所以喺電視台方面嘅要求下，奧沙就要特別製作一件橙色新波衫，衫上仲印咗句口號「#OsasunaNuncaSeRinde」，即係奧沙永不投降咁解，但睇怕呢件波衫似係見證球隊降班多啲。