日本尊尼事務所旗下藝人近排負面新聞不斷，TOKIO成員山口達也早前因醉酒強吻未成年少女被炒後，另一組合NEWS成員小山慶一郎亦爆出涉嫌教唆未成年少女飲酒，遭到事務所停工處分。

小山慶一郎與加藤成亮參加派對嘅錄音日前於網上流傳，收錄小山不斷慫恿一名19歲少女飲酒嘅聲音，對於疑似教唆未成年少女飲酒，新一期雜誌《週刊文春》追訪咗該位少女，佢承認曾飲酒，但尊尼事務所方面就指小山唔知對方未成年。

今日，尊尼事務所表示小山需就事件停工反省，同場嘅加藤成亮亦收到嚴重警告。而小山今午主持節目《news every.》時，低頭10秒道歉，並親自向觀眾報告自己將會停工進行反省。

精選娛聞，喺晒《娛果》
http://fb.com/appledailyent