【有幾準？】EA Sports世界盃遊戲模擬賽果 預測今屆邊隊捧盃？
蘋果日報 2018/05/31 00:00
EA Sports《FIFA 18》世界盃更新剛剛推出，唔知各位球迷機迷開咗波未？近幾屆EA Sports都會用自家世界盃版遊戲預測世界盃賽果，他們亦剛剛公佈了2018年世界盃的模擬賽果。分組賽方面都幾正路，A組主辦國俄羅斯次名出線，D組阿根廷意外輸畀克羅地亞次名出線，而最緊湊是F組瑞典僅以入球總數壓倒同分同得失球的墨西哥以次名晉級。
淘汰賽階段，阿根廷在十六強以0比1輸給法國，而巴西在八強中以0比2不敵比利時，令最後四強全屬歐洲隊天下。準決賽方面，法國以2比1擊退比利時，德國則以3比1打敗西班牙。法國跟德國在決賽上激戰120分鐘後仍以1比1賽和，但法國憑互射十二碼以4比3取得世界盃。至於個人獎項方面，法國基沙文及西班牙伊斯高同得金靴獎，最佳球員則是基沙文，金手套獎落在西班牙迪基亞手上，最佳年青球員則是巴西捷西斯。
大家可能會質疑遊戲不能作準，但EA Sports在2014年世界盃前亦以遊戲模擬賽果，雖然戰程唔同，但都預測到德國捧盃，遊戲模擬出德國在決賽以2比1（加時）擊敗巴西，而實際是德國以1比0（加時）擊敗阿根廷。甚至乎2010年類似的模擬賽果下，遊戲亦能正確預測西班牙捧盃，至於今年又準唔準？大家自行判斷好了！
記者：布偉倫
全新旅遊專頁，即like籽想旅行： https://fb.com/travel.appleseed
大家可能會質疑遊戲不能作準，但EA Sports在2014年世界盃前亦以遊戲模擬賽果，雖然戰程唔同，但都預測到德國捧盃，遊戲模擬出德國在決賽以2比1（加時）擊敗巴西，而實際是德國以1比0（加時）擊敗阿根廷。甚至乎2010年類似的模擬賽果下，遊戲亦能正確預測西班牙捧盃，至於今年又準唔準？大家自行判斷好了！
記者：布偉倫
全新旅遊專頁，即like籽想旅行： https://fb.com/travel.appleseed
最後淘汰賽階段的模擬賽果。