當年今日
關於我們
民以食為天 內地商場最啱做食肆
蘋果日報 2005/06/20 00:00
內地對外開放,商機無限,吸引港人北上,置業國際董事總經理姜樹榮話,中國人有「民以食為天」嘅性格,飲食業係最有前途行業之一,但要配合當地情況至得。
呢名中國地產專家話,外資食肆以麥當勞同肯德基嘅市場佔有率最大,在北方,肯德基較受歡迎,南方就啱啱相反。若果係大西南,少數民族聚居地區,對食物要求有較濃嘅味道。不過,佢個人就零舍睇好港式茶餐廳同燒臘檔。
另一個有可為嘅,當然係時裝,但高檔來路貨只限少數大城市有得做,一般嚟講,中檔最掂,低檔就一定唔夠內地貨爭。