敏儀、淑儀和嘉儀，年紀雖小，但對於生離死別，已有深刻的體會。「姐姐，我爸爸死咗啦！」年僅三歲的『細孖』淑儀，出奇地懂事，記者甫坐下，她已急不及待說起家中的遽變，說罷更不禁嚎哭起來；坐於一角的長姊嘉儀，對於父親當晚出事的情景，亦記憶猶新，「我見到爸爸郁都唔郁，塊面黑晒。」三姊妹你一言我一語，聽得母親楊女士大為心酸。「好人好者都會端端去咗，三個細路哥咁細個就冇咗爸爸，真係淒涼囉……。」三十七歲的楊女士哽咽着說。
懷疑心臟病發
四十二歲的陳芳良，身材雖肥胖，但除患有高血壓外，身體尚算健康。直至兩星期前，他向妻子表示有點感冒不適；惟節儉的阿良並沒有看醫生，只是自行服食成藥，當時病情略有好轉，未料上周一卻突然出事。「嗰晚瞓到半夜，突然間聽到阿良『𠵱𠵱哦哦』嗌咗兩聲之後，面色都轉埋，嚇到我即刻報警，但佢送到醫院已經救唔番。」醫生初步懷疑阿良是心臟病發猝死，但真正死因仍有待解剖確定。
一夜之間失去至親，新寡楊女士除傷心欲絕外，對於往後的生活，亦顯得十分彷徨。事實上，楊女士與丈夫的一段中港婚姻，令五口子一直分隔異地。多年來，長女嘉儀隨母親在內地生活，一對孖女則與父親居於香港。月前，嘉儀喜獲發單程證來港與父妹團聚，陪同嘉儀來港的楊女士則原打算安頓好女兒入學後便返回內地，詎料丈夫猝逝，令她方寸大亂。「𠵱家我都唔知點算，我嘅雙程證就快到期，到時三個細路哥都唔知邊個照顧。」